تاریخ و تعارف

تعارف

آپ کا اسم گرامی سید عبداللہ شاہ ہے، لیکن عوام و خواص میں آپ حاجی بہادر کے لقب سے مشہور ہیں۔ آپ کی ولادت باسعادت 31 جولائی 1581ء کو ہندوستان کے شہر آگرہ میں ہوئی۔ آپ کا تعلق سادات گھرانے سے ہے اور آپ کا سلسلہ نسب حضرت امام حسین رضی اللہ عنہ سے جا ملتا ہے۔ آپ کے والد محترم کا نام سید شاہ محمد سلطان تھا۔ آپ کا خاندان غزنی سے ہجرت کر کے آگرہ آباد ہوا تھا۔

جوانی میں ہی آپ کا رجحان تصوف اور روحانیت کی طرف مائل ہو گیا۔ آپ نے اس وقت کے نامور صوفی بزرگ حضرت سید آدم بنوریؒ (بعض روایات میں شاہ بلاق دکن) کے ہاتھ پر بیعت کی اور سالوں تک روحانی منازل طے کیں۔